हेटौँडाः १ सय ४ केजी लागुऔषध गाँजासहित ४ जनालाई मकवानपुर प्रहरीले पक्राउ गरेको छ । प्रहरीले शनिबार दुई स्थानबाट लागुऔषध गाँजा बरामद गरेको हो ।
मनहरी गाउँपालिका–७, मनहरी खोलाको बगरबाट लागुऔषध गाँजासहित प्रहरीले ३ जनालाई पक्राउ गरेको छ । पक्राउ पर्नेमा बारा जिल्लाको जितपुर सिमरा उपमहानगरपालिका–९, शान्तिटोलका १९ वर्षीय राहुल कुमार बैठा, मनहरीका १८ वर्षीय अजय माझी र भारत मोतिहारीका २२ वर्षीय भोला कुमार बैठा रहेको प्रहरीले जनाकारी दिएको छ । उनीहरुको शरीरबाट लागुऔषध गाँजा ३ किलो २६० ग्राम बरामद भएको प्रहरीले जनाएको छ ।
यस्तै, प्रहरीले हेटौँडा–११, थानाभर्याङबाट एक क्विन्टल गाँजा, योद्धागाडिसहित एकजनालाई पक्राउ गरेको छ । पक्राउ पर्नेमा योद्धागाडि चालक गोर्खा जिल्लाको आँबुखैरहनी गाउँपालिका–३ का ३७ वर्षीय दुर्गा दर्जी रहेको प्रहरीले जानकारी दिएको छ । नेवारपानीबाट बीरगंजतर्फ जाँदै गरेको बागमती प्रदेश ०३–००१ च १६८८ नम्बरको योद्धागाडि हेटौँडा–४, कर्रामा सुरक्षाजाँच गर्दा ४ वटा बोरामा प्रतिबोरा ३ वटा प्याकेटको दरले गाँजा फेला पारेको हो । प्रहरीले गाँजासहित नियन्त्रणमा लिई थप अनुसन्धान कार्य गरिरहेको जनाएको छ ।
