हेटौँडाः मकवानपुर जिल्लाको थाहा नगरपालिका–३, झाँक्रीखोरियामा एक जना पुरुषको छहराबाट लडेर मृत्यु भएको छ । चितवन जिल्लाको राप्ती नगरपालिका–६ भण्डाराका ४६ वर्षीय हरिशरण बर्तौलाको छहराबाट लडेर मृत्यु भएको प्रदेश प्रहरी कार्यालय हेटौँडाले जानकारी दिएको छ ।
बर्तौला शनिबार साँझ ६ बजेको समयमा मामा घर सोहि स्थानबाट हराएका थिए । बर्तौलाको खोज तलास गर्दा सोमबार दिउँसो ४ बजेको समयमा झाँक्रीखोरिया स्थित खोलाको किनारमा मृत अवस्थामा फेला परेको प्रहरीले जानकारी दिएको छ । घटनाबारे थप अनुसन्धान भइरहेको प्रहरीले जनाएको छ ।
