हेटौँडाः प्रेस चौतारी मकवानपुरको वार्षिक साधारणसभा शनिबार हेटौँडामा भएको छ । प्रेस चौतारी मकवानपुरका अध्यक्ष बालकृष्ण अधिकारीको अध्यक्षता तथा बागमती प्रदेशका प्रथम मुख्यमन्त्री डोरमणि पौडेलको प्रमुख आतिथ्यमा साधारणसभा भएको हो ।
साधारणसभाको अवसरमा प्रेस चौतारी मकवानपुरले पत्रकार उज्ज्वल अधिकारी र निशा गुरुङलाई सम्मान गरेको छ । अधिकारीलाई प्रेमनाथ चौलागाईं स्मृति पत्रकारिता पुरस्कार प्रदान गरिएको हो भने गुरुङलाई सिर्जनशील पत्रकारिता पुरस्कार प्रदान गरिएको हो । साधारणसभाको उद्घाटन कार्यक्रममा प्रेस चौतारीको संघीय समितिका पदाधिकारी, विभिन्न संगठनका पदाधिकारीको पनि आतिथ्य रहेको थियो ।
