हेटौँडाः हेटौँडा–१५, शिखरपानीमा लागुऔषधसहित एकजना पक्राउ परेका छन् । पक्राउ पर्नेमा मनहरी गाउँपालिका–७ घर भई हाल शिखरपानी डेरा गरी बस्ने १८ वर्षीय टंक बहादुर स्याङ्तान रहेको प्रदेश प्रहरी कार्यालय हेटौँडाले जानकारी दिएको छ ।
शुक्रबार दिउँसो १ बजेर ३० मिनेटको समयमा विशेष सुचनाको आधारमा स्याङ्तानको कोठामा तलासी गर्दा स्पासपेन १ हजार ३ सय ९० ट्याब्लेट, एनार्गन १ हजार ५ सय ट्याब्लेट, ट्रामोल ८ सय ८० ट्याब्लेट, कफ्ट एबीडी ६ सय ५० ट्याब्लेट, एनार्गन १ हजार ३ सय ५० ट्याब्लेट र गाँजा ८ किलो फेला पारेको प्रहरीले जानकारी दिएको छ । लागुऔषधसहित स्याङ्तानलाई प्रहरीले नियन्त्रणमा लिएर थप अनुसन्धान गरिरहेको प्रहरीले जानकारी दिएको छ ।
