हेटौँडाः भीमफेदी गाउँपालिका–८ भर्याङडाँडामा ट्रक अनियन्त्रित भई पल्टिदा ट्रक चालक घाइते भएका छन् । घाइते हुनेमा चितवन जिल्लाको राप्ती नगरपालिका–११, आपपानी बस्ने ३६ वर्षीय सोनाम रुम्बा रहेको जिल्ला प्रहरी कार्यालय मकवानपुरका प्रहरी प्रवक्ता टेक बहादुर कार्कीले जानकारी दिनुभयो ।
सोमबार राती १० बजेर ४५ मिनेटको समयमा कान्तिलोकपथ राजमार्गमा बारा निजगढबाट काठमाडौँ तर्फ जाँदै गरेको प्र १–०२–००१ ख ८१८३ नम्बरको ६ चक्के ट्रक (इट्टा लोड) आफै अनियन्त्रित भई सडक बाट ५ सय मिटर तल खस्दा रुम्बा घाइते भएका थिए । घाइते रुम्बालाई उपचारका लागि हेटौँडा अस्पताल ल्याइएको प्रवक्ता कार्कीले जानकारी दिनुभयो ।
