हेटौँडाः हेटौँडा–४, हुप्रचौरमा निर्माणाधिन स्वास्थ्य चौकी भवनको फलाम चोरी गरेको आरोपमा एकजना पक्राउ परेका छन् । पक्राउ पर्नेमा दाङ जिल्ला तुल्सिपुर नगरपालिका–११ बिजौरी घर हाल भई हाल हेटौँडा बजारको सडकपेटिमा सुती हिँड्ने २६ वर्षीय नारायण बोहरा रहेको जिल्ला प्रहरी कार्यालय मकवानपुरका प्रहरी प्रवक्ता टेक बहादुर कार्कीले जानकारी दिनुभयो ।
सोमबार साँझ ६ बजेर ३० मिनेटको समयमा बोहराले भवनको फलाम चोरी गरी बोरामा बोकी हिँडिरहेको अवस्थामा प्रहरीले भेट्टाएको थियो । बोहरालाई नियन्त्रणमा लिई थप अनुसन्धान गरिरहेको प्रहरीले जनाएको छ ।
