हेटौँडाः भारतीय नम्बरको कारबाट मकवानपुर प्रहरीले लागुऔषध बरामद गरेको छ । आइतबार बिहान ५ बजेर ३० मिनेटको समयमा हेटौँडा–१, चौकिटोलस्थित प्रहरी चौकीमा सुरक्षाजाँच गर्ने क्रममा ९२ केजी गाँजा बरामद भएको मकवानपुर प्रहरीले जनाएको छ ।
विशेष सुचनाको आधारमा बागमती प्रदेश प्रहरी कार्यालयबाट खटिएको प्रहरी टोलीले काठमाडौंबाट हेटौँडातर्फ आउँदै गरेको बीआर ०१ बीएन १५१८ नम्बरको कारलाई नियन्त्रणमा लिई सुरक्षाजाँच गरेको थियो । प्रहरीले कार चालक भारतको मुजफ्फरपुरका १८ वर्षीय अमित कुमार, कारमा सवार पर्सा जिल्लाको शिखरमाई गाउँपालिका–९ का ५० वर्षीय नैमुदिन मिया र मकवानपुरको कैलाश गाउँपालिका–१०, बाँझोखेतका ६० वर्षीय बुद्धिमान थोकरलाई पक्राउ गरेको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक टेकबहादुर कार्कीले जानकारी दिनुभएको छ ।
