हेटौँडा हेटौँडा उपमहानगरपालिका–१२, स्थित चकरी खोलामा डुबेर एक पुरुषको मृत्यु भएको छ । मृत्यु हुनेमा हेटौँडा–१९, बस्तिपुरका ५० वर्षीय वीर बहादुर घलान रहेको जिल्ला प्रहरी कार्र्यालय मकवानपुरले जनाएको छ ।
घलानको शव चकरी खोलामा डुबेको अवस्थामा देखी टिपर चालकले खोलाबाट बाहिर निकालिदिएको प्रहरीले जनाएको छ । घलानको आफन्तसँग बुझ्दा पहिलेदेखि नै क्षारे रोगी भएको प्रहरीले जनाकारी दिएको छ ।
