हेटौंडाः हेटौंडा–११, नमुना चोकमा बोलेरोको ठक्करबाट एक बालकको मृत्यु भएको छ । बुधबार सिमलटारबाट हेटौंडा बजार तर्फ आउँदै गरेको बागमती प्रदेश–०३–००१ च १५९७ नम्बरको बोलेरो पिक–अप गाडिले सोहि स्थान बस्ने सुमि डिङ्डुङको २ बर्षीय छोरा समर लोलाई ठक्कर दिई दुर्घटना भएको जिल्ला प्रहरी कार्यालय मकवानपुरले जानकारी दिएको छ ।
बोलेरोको ठक्करबाट बालक गम्भीर घाइते भएका थिए । घाइते भएका बालकलाई उपचारको लागी हेटौंडा अस्पताल लागिएको थियो । बालकको उपचरको क्रममा डाक्टरले बिहान ७ बजेर ५० मिनेटको समयमा मृत घोषणा गरेको प्रहरीले जनाएको छ । बोलेरो र चालक प्रहरीको नियन्त्रणमा रहेको छ ।
