हेटौंडाः हेटौंडा–१७ स्थित हटियाका ४८ वर्षीय नवराज देवकोटा मकवानपुरको बागमती गाउँपालिकामा मृत अवस्थामा फेला परेका छन् । आइतबार बागमती–७ को वडा कार्यालय जाने सडकछेउमा देवकोटा मृत फेला परेको जिल्ला प्रहरी कार्यालय मकवानपुरले जनाएको छ ।
मानसिक अवस्था ठिक नभएका देवकोटा गत शुक्रबार घरबाट निस्किएका थिए । आइतबार देवकोटा मृत अवस्थामा भेटिएपछि स्थानीयले प्रहरीलाई खबर गरेका थिए । देवकोटाको शव पोष्टमार्टमका लागि हेटौंडा अस्पतालमा ल्याइएको छ ।
