हेटौँडाः मकवानपुरको राक्सिराङ गाउँपालिका–३, सरिखेतबाट लागुऔषध गाँजासहित ३४ बर्षीय रामकुमार राना मगरलाई प्रहरीले पक्राउ गरेको छ ।
सूचनाका आधारमा जिल्ला प्रहरी कार्यालय मकवानपुर र इलाका प्रहरी कार्यालय मनहरीको संयुक्त टोलीले शनिबार राती ११ बजेको समयमा रामकुमारको घरको तलासी गरेको थियो । तलासी गर्ने क्रममा प्रहरीले ६ वटा बोरामा लुकाई राखेको अवस्थामा ७८ केजी लागुऔषध गाँजा बरामद गरेको बागमती प्रदेश प्रहरी कार्यालय हेटौँडाले जनाएको छ ।
