हेटौँडाः मकवानपुर जिल्लाको मनहरी गाउँपालिका–६, जोगितालमा गैंडाको आक्रमणबाट एकजना घाइते भएका छन् । राप्ति नदि नजिकै कासघारीमा गाई बस्तु चराउन जानुभएका ५० बर्षीय भुपाल थिङलाई जंगली गैंडाले आक्रमण गरी घाइते बनाएको प्रदेश प्रहरी कार्यालय हेटौँडाले जनाएको छ ।
शनिबार साँझ ५ बजेको समयमा गैंडाको आक्रमणबाट भुपालको दाईने हातमा समान्य चोट लागेको छ । घाईते भुपाललाई उपचारका लागि भरतपुरतर्फ पठाइएको प्रहरीले उल्लेख गरेको छ । गैँडा भने पर्सा निकुञ्जतर्फ गएको प्रहरीले जानकारी दिएको छ ।
