हेटौंडाः हेटौंडाको मकवानपुर बहुमुखी क्याम्पसले शनिबार बीबीएमको आठौं सेमेस्टेरका विद्यार्थीलाई बिदाई गरेको छ । बीबीएम आठौं सेमेस्टेर पूरा गरेका विद्यार्थीलाई क्याम्पसले एक कार्यक्रम गरेर बिदाई गरेको क्याम्पसका प्राध्यापक सुशील न्यौपानेले बताउनुभयो ।
बीबीएमको बिदाईसँगै बीबीएम, बीबीए र बीआईसीटीई पहिलो सेमेष्टेरका विद्यार्थीलाई स्वागत कार्यक्रम गरिएको थियो । मकवानपुर बहुमुखी क्याम्पसको बीबीएम र बीबीए विभागले आयोजना गरेको कार्यक्रम हेटौंडाको एभोकाडो रिसोर्टमा भएको हो ।
कार्यक्रममा मकवानपुर बहुमुखी क्याम्पसबाट २०७९ मा नेपालकै प्रथम, द्वितीय र तृतीय हुने ११ जनालाई सम्मान गरिएको थियो । विद्यार्थीहरुलाई उत्कृष्ट नतिजा ल्याउन सहयोग पुर्याउने १६ प्राध्यापकलाई सम्मानसहित विविध सांस्कृतिक कार्यक्रम भएको न्यैपानेले बताउनुभयो ।
