हेटौंडाः मकवानपुर प्रहरीले लागूऔषध अफिमसहित मानिस र गाडी नियन्त्रण लिएको छ । शुक्रबार हेटौंडा–१०, बसपार्कमा रोकिराखेको भारतीय गाडीलाई सुरक्षा जाँच गर्ने क्रममा अफिम ३ सय मिलिग्राम फेला पारेको प्रहरीले जनाएको छ ।
बसपार्कमा रोकिराखेको बीआर ०६ सिजेट ३५०५ नम्बरको भारतीय गाडी नारायण यादवको कमाण्डमा खटिएको प्रहरी टोलीले सुरक्षा जाँच गर्ने क्रममा अफिम फेला पारेको हो । प्रहरीले गाडी चालक भारतको मोतिहारी फुलबारीया बस्ने २८ वर्षीय मुकेशप्रसाद पासवान, गाडीमा सवार ३० वर्षीय पिंकु शर्मा र गाडीमा सवार ४५ वर्षीय कपिलदेव सहनीलाई पक्राउ गरेको जनाएको छ ।
