हेटौंडाः चितवन जिल्लाको भरतपुर महानगरपालिका–२८ साझापुरमा मोटरसाइकलको ठक्करबाट पैदलयात्रीकोे मृत्यु भएको छ । दुर्घटनामा परी एक जना घाईते भएका छन् ।
बिहिबार राति ११ बजेको समयमा ना २२ प ६८०० नम्बरको मोटरसाईकलले ठक्कर दिँदा ५५ वर्षीय जलवा महतोको मृत्यु भएको प्रहरीले जनाएको छ । मोटरसाइकलको ठक्करबाट महतो गम्भिर घाईते भएका थिए । घाईते महत्वलाई उपचारका लागि भरतपुर अस्पताल लगिएकोमा उपचारका क्रममा ११ बजेर ४३ मिनेटको समयमा डाक्टरले मृत घोषणा गरेका थिए । मोटरसाइकल चालक भरतपुर–२७ का ३४ वर्षीय शिवनारायण महतो पनि घाइते भएका थिए । घाईते महतोको चितवन मेडिकल कलेजमा उपचार भइरहेको प्रहरीले जनाएको छ ।
