हेटौंडाः हेटौंडा–५ स्थित पिप्ले–क्याम्पा रंगशाला वरिपरि आइतबार बिहान सरसफाई गरिएको छ । सरसफाईसँगै बिरुवाको संरक्षणका लागि तारजाली राखिएको छ । मेनरोडदेखि शान्तिनगर जाने बाटोमा रोपिएको बिरुवाको सुरक्षाका लागि तारजाली राखिएको छ ।
नेपाल रेडक्रस सोसाइटी पिप्ले उपशाखाको आयोजना तथा वडा कार्यालयसँगको सहकार्यमा सरसफाई तथा तारजाली राख्ने कार्य भएको वडा सदस्य ज्ञानु थापाले जानकारी दिनुभयो । बाटो छेउको वृक्षमा ४० वटा तारजाली राखिएको थापाले बताउनुभयो । सरसफाई कार्यमा वडा अध्यक्ष सुशील घिमिरे, रेडक्रस उपशाखाका सभापति देविप्रसाद दहालको पनि उपस्थिति रहेको थियो । कार्यक्रममा वडा सदस्य, रेडक्रसका सदस्य, टोलविकास संस्थाका अध्यक्ष, लक्ष्मी आधारभुत विद्यालयका शिक्षक र कक्षा ७ र ८ का विद्यार्थीहरुको सहभागिता रहेको थियो ।
