हेटौंडाः हेटौंडा–२ स्थित बालजागृति इंग्लिस सेकेण्डरी स्कुलका विद्यार्थी तथा शिक्षकको लेख, रचना समावेश गरिएको बालजागृति साहित्य दर्पणको विमोचन गरिएको छ । सोमबार एक कार्यक्रमकाबीच बालजागृति साहित्य दर्पणको विमोचन गरिएको हो ।
शिक्षा विकास तथा समन्वय इकाई मकवानपुरका प्रमुख दीनानाथ गौतमको प्रमुख आतिथ्यमा भएको कार्यक्रममा प्याब्सन बागमती प्रदेश समितिका अध्यक्ष केशवलाल श्रेष्ठ, विद्यालय व्यवस्थापन समितिका अध्यक्ष रामकृष्ण तिमल्सिना, विद्यालय सन्चालक समितिका अध्यक्ष दिनेश भण्डारी, विद्यालयका प्रिन्सिपल एवम् प्याब्सन मकवानपुरका अध्यक्ष विनोद सुवेदीको पनि उपस्थिति रहेको थियो । साहित्य दर्पणको विमोचनसँगै विद्यालयले एसईईमा सहभागी भएका विद्यार्थीलाई विदाई गरेको छ ।
