हेटौंडाः हेटौंडा–१८, खड्कुलेस्थित मकवानपुर बालविद्या सदनबाट एसईईमा सहभागी भएका विद्यार्थीलाई विदाई गरिएको छ । सोमबार एक समारोहको आयोजना गरेर कक्षा ९ का विद्यार्थीले एसईईमा सहभागी विद्यार्थीलाई विदाई गरेको हो ।
विदाई कार्यक्रममा ९ कक्षाका विद्यार्थीले विदाई हुँदै गरेको विद्यार्थीलाई विभिन्न विधामा सम्मान गरेका थिए । एसईईमा मकवानपुर बालविद्या सदनबाट ११ जना विद्यार्थी सहभागी भएका छन् । विदाई कार्यक्रममा विद्यार्थीले नृत्य कला समेत प्रस्तुत गरेका थिए । यस्तै विद्यार्थीले शिक्षकलाई पनि सम्मान गरेको छ ।
विद्यालयका प्रिन्सीपल सुदीप राज गिरीले विद्यार्थीलाई संस्कारयुक्त शिक्षा प्रदान गरिएको उल्लेख गर्नुभयो । विद्यालयको शैक्षिक वातावरण राम्रो बनाउन विद्यालयका शिक्षक, कर्मचारी, अभिभावकको सहयोग र विद्यार्थीको मिहिनेत महत्वपूर्ण रहेको प्रिन्सीपल गिरी बताउनुहुन्छ । विदाई कार्यक्रममा विद्यार्थीका अभिभावकको पनि उपस्थिति रहेको थियो ।
