हेटौंडाः टोल विकास संस्थाका कोषाध्यक्षहरुका लागि लेखा व्यवस्थापन तालिम सुरु भएको छ । हेटौंडा उपमहानगरपालिका वडा नम्बर १९ का वडा अध्यक्ष नरनाथ सुवेदीको प्रमुख आतिथ्य तथा टोल विकास संस्था नगर समन्वय समितिका अध्यक्ष ध्रुबप्रसाद अधिकारीको अध्यक्षतामा सोमबारबाट तालिम सुरु भएको हो ।
हेटौंडा उपमहानगरपालिका वडा नम्बर १९ मा सुरु भएको लेखा व्यवस्थापन तालिम टोल विकास संस्था नगर समन्वय समिति र हेटौंडा उपमहानगरपालिकाको आयोजना तथा टोल विकास संस्था वडा समन्वय समितिको व्यवस्थापनमा भएको अध्यक्ष अधिकारीले बताउनुभयो । उहा“का अनुसार वडा नम्बर ३ र १९ को टोल विकास संस्थाका कोषाध्यक्षहरु तालिममा सहभागी छन् ।
३ दिने लेखा व्यवस्थापन तालिममा वडा नम्बर ३ बाट १७ जना र वडा नम्बर १९ बाट १५ जनाको सहभागिता रहेको छ ।
