हेटौंडाः धादिङ जिल्लाको खनियाबास गाउँपालिका–५ मा एसईई दिने नक्कली विद्यार्थी पक्राउ परेको छ । पक्राउ पर्नेमा खनियाबासमा रहेको बच्छलादेवी माध्यामिक विद्यालय सत्यदेबी केन्द्रको १२ कक्षामा अध्ययनरत १७ वर्षीय सन्जय तामाङ रहेको बागमती प्रदेश प्रहरी कार्यालय हेटौंडाले जानकारी दिएको छ ।
आईतबार तामाङ परीक्षा दिइरहेको अवस्थामा शंका लागी शिक्षकले सोधपुछ गर्ने क्रममा सोही विद्यालयमा अध्ययनरत १६ वर्षीय राज तामाङको ग्रेडबृद्धि परीक्षामा दिइरहेको पाइएको प्रहरीले जनाएको छ । तामाङलाई नियन्त्रणमा लिई ईलाका प्रहरी कार्यालय दार्खामा लगी अनुसन्धान भइरहेको प्रहरीले जानकारी दिएको छ ।
