हेटौंडाः लागुऔषध गाँजासहित २ जनालाई मकवानपुर प्रहरीले पक्राउ गरको छ । पक्राउ पर्नेमा हेटौंडा–८, कमाने ओम नगरका ट्रकचालक ३४ वर्षीय सुजन श्रेष्ठ र ट्रकमा सवार ३१ वर्षीय सन्तोष श्रेष्ठ रहेको प्रदेश प्रहरी कार्यालय हेटौंडाले जनाएको छ ।
शनिबार हेटौंडा–१५, रातोमाटे चेकपोष्टमा हेटौंडा बजारबाट रातोमाटेतर्फ जाँदै गरेको ना ७ ख ६८३९ नम्बरको क्लिङ्कर लोड ट्रकलाई सुरक्षाजाँच गर्दा गाँजा फेला पारेको हो । सुरक्षाजाँचको क्रममा ट्रकको क्याबिनमा रहेको कालो झोला भित्र प्लाष्टिकमा लुकाई छिपाई ल्याएको अवस्थामा लागुऔषध गाँजा २ किलो ९०० ग्राम फेला परेको प्रहरीले जनाएको छ । लागुऔषध गाँजा, गाँजा ढुवानी गरेको ट्रकसहित सुजन र सन्तोषलाई पक्राउ गरी अनुसन्धान कार्य भइरहेको प्रहरीले जनाएको छ ।
