हेटौंडाः धादिङ जिल्लाको धुनिवेशी नगरपालिका–६ नौविसेमा सालकको खपटा र जिउँदो हुचिलसहित २ जनालाई प्रहरीले पक्राउ गरेको छ ।
मंगलबार साँझ ६ बजेको समयमा हाप्सेचौरबाट नौविसे तर्फआउँदै गरेको बा प्र ३–०३–००१ ह ८५८ नम्बरको अटोमा सवार मकवानपुर जिल्लाको थाहा नगरपालिका–१२ लितिका १९ वर्षीय रमेश स्याङ्तान र धादिङ जिल्लाको थाक्रे गाँउपालिका–५ नयाँगाउँका ४७ वर्षीय बिनोद लामालाई पक्राउ गरिएको बागमती प्रदेश प्रहरी कार्यालय हेटौंडाले जनाएको छ ।
स्याङ्तान र लामाको साथबाट ५ किलो ३ सय ग्राम सालकको खपटा र जिउँदो हुचिल थान एक थान फेला परेको जनाएको छ । प्रहरीले सालकको खपटा र हुचिलसहित स्याङतान र लामालाई हिरासतमा राखी अनुसन्धान गरिरहेको बागमती प्रदेश प्रहरी कार्यालय हेटौंडाले जनाएको छ ।
