हेटौंडाः मकवानपुरको ईन्द्रसरोवर गाउँपालिका–२, हेभीमा शनिबार दिउँसो मोटरसाइकल दुर्घटना हुँदा एकजना भारतीय नागरिकको मृत्यु भएको छ । काठमाडौंमा डेरा गरी बस्ने ३५ वर्षीय भारतीय नागरिक विकास जैसवालको मृत्यु भएको प्रहरीले जनाएको छ ।
मोटरसाइकलमा पछाडि बसेका अर्का भारतीय नागरिक १८ वर्षीय गौतम कुमार गम्भीर घाइते भएका छन् । उनको हेटौंडा अस्पतालमा उपचार भइरहेको छ । हेटौंडाबाट काठमाडौंतर्फ जाँदै गरेको बा ९० प २६०० नम्बरको मोटरसाइकल आफै अनियन्त्रित भएर सडकबाट १०० मिटर तल खसेको थियो ।
