हेटौंडाः मकवानपुरे समाज काठमाडौंले हेटौंडा–७ स्थित आशा विशेष पाठशाला तथा पुनस्र्थापना केन्द्रलाई ह्वीलचेयर सहयोग गरेको छ । विद्यार्थीलाई आउजाउ गर्न सहयोग पुग्ने उद्देश्यले बुधबार आशा विशेष पाठशाला व्यवस्थापन समितिका अध्यक्ष बालकृष्ण चौलागाईँलाई २ वटा ह्वीलचेयर हस्तान्तरण गरेको हो ।
ह्वीलचेयरको आवश्यकतालाई मध्यनजर गर्दै मकवानपुरे समाजले २ जना विद्यार्थीलाई ह्वीलचेयर उपलब्ध गराएको चौलागाईँले जानकारी दिनुभयो । मकवानपुरे समाज काठमाडौंका अध्यक्ष अरुण कुमार गुरुङसहित समाजका पदाधिकारी उपस्थित भई ह्वीलचेयर हस्तान्तरण गरिएको हो ।
