हेटौंडाः वंशगोपाल माध्यमिक विद्यालयको आयोजनामा मकवानपुरगढी गाउँपालिका स्तरीय शिक्षक भलिबल प्रतियोगिता संचालन भइरहेको छ । मकवानपुरगढी गाउँपालिकाको प्रायोजकमा हुने शिक्षकस्तरीय भलिबल प्रतियोगिता शुक्रबार र शनिबार हुने छ ।
प्रतियोगितामा गाउँपालिकाभित्रका विद्यालयका पुरुष तथा महिला शिक्षकको सहभागिता रहने छ । प्रतियोगितामा पुरुषतर्फ ९ वटा टिम र महिलातर्फ ८ वटा टिमको सहभागिता रहेको वंशगोपाल माध्यमिक विद्यालयका प्रध्यानाध्यापक सन्देश तुम्सिङ मगरले बताउनुभयो । प्रतियोगिताको सेमिफाइनल खेल र फाइनल खेल भोली शनिबार हुने मगरले जानकारी दिनुभयो ।
प्रतियोगितामा विजय हुने टिमले नगद १० हजार रुपैयाँसहित शिल्ड, मेडल प्राप्त गर्नेछ भने उपविजेता टिमले नगद ६ हजार रुपैयाँसहित शिल्ड, मेडल प्राप्त गर्नेछ ।
