हेटौंडाः प्रहरीले शनिबार साँझ ५ बजेको समयमा हेटौंडा १० बसपार्कको मदिरापसलबाट लागूऔषध विनरेक्ससहित एकजनालाई नियन्त्रणमा लिएको छ । टिसिएन रोड बस्ने अन्दाजी ३८ वर्षीय नरेन्द्र श्रेष्ठले घर नजिक सटर भाडामा लिई संचालन गरेको मदिरा पसलबाट लागूऔषध फेला परेको हो ।
विशेष सूचनाको आधारमा खटिएको प्रहरीले श्रेष्ठको पसलबाट लागूऔषधध विनरेक्स ११ बोतल र घरबाट ३ सय ४३ बोतल गरी जम्मा ३ सय ५४ बोतल (प्रती बोतल १०० एमएल) फेला पारेको थियो । उक्त लागूऔषधसहित श्रेष्ठलाई नियन्त्रणमा लिई जिल्ला प्रहरी कार्यालय मकवानपुर लगेर थप अनुसन्धान भईरहेको प्रहरीले जनाएको छ ।
