हेटौंडाः जनप्रिय प्राविधिक शिक्षालयमा जेटिए पशु विज्ञानमा अध्ययनरत विद्यार्थीद्वारा २ सय वटा बाख्रालाई खोरेत बिरुद्धको भ्याक्सिन खोप लगाईएको छ । बिहीबार हेटौंडा–१७ हटियास्थित रहेको बिबिआर एग्रो प्रालिमा रहेको २ सय वटा बाख्रालाई खोरेत भ्याक्सिन लगाएको जनप्रिय प्राविधिक शिक्षालयका पशु सहायक प्रशिक्षक लक्ष्मण चौधरीले बताउनुभयो ।
विद्यार्थीको प्रयोगात्मक सिप विकासको लागि अहिले विभिन्न पशु सम्बन्धि प्रयोगात्मक क्रियाकलाप भइरहेको समेत चौैधरीले जानकारी दिनुभयो । खोरेत भ्याक्सिन बिबिआर एग्रो प्रालिका सञ्चालक विवेक सुवेदीले व्यवस्था गर्नुभएको थियो । भ्याक्सिन कार्यक्रममा करिब ३५ जना विद्यार्थीको सहभागिता रहेको थियो ।
