हेटौंडाः निर्वाचन आयोगले मंसिर ४ गते भएको प्रतिनिधिसभा र प्रदेशसभा निर्वाचनको अन्तिम परिणाम आज बुधबार सार्वजनिक गरेको छ । निर्वाचनमा प्रतिनिधिसभातर्फ १ सय ६५ प्रत्यक्ष र समानुपातिकतर्फ १ सय १० सिट तथा प्रदेशसभातर्फ ३ सय ३० प्रत्यक्ष र २ सय २० सिट समानुपातिकको परिणाम सार्वजनिक गरेको हो ।
आयोगले भोली बिहीबार राष्ट्रपतिलाई प्रतिवदेन बुझाउने र पुस २ गते आयोग पदाधिकारीले सातै प्रदेशमा प्रदेश प्रमुखलाई प्रतिवेदन बुझाउने प्रमुख निर्वाचन आयुक्त दिनेश थपिलयाले जानकारी दिनुभयो । प्रतिवेदन राष्ट्रपति र प्रदेश प्रमुखसमक्ष बुझाएपछि राजपत्रमा प्रकाशित हुने निर्वाचन आयोगले जनाएको छ ।
