हेटौंडाः प्रहरीले ७९ किलो लागुऔषध गाँजासहित भारतीय गाडी नियन्त्रणमा लिएको छ । पुर्व—पश्चिम सडक खण्ड मनहरी ६ मा बुधबार बिहान ४ बजेर ४५ मिनेटको समयमा जिल्ला प्रहरी कार्यालय मकवानपुर र ईलाका प्रहरी कार्यालय मनहरीबाट खटिएको संयुक्त प्रहरी टोलीले ७९ किलो गाँजासहित डव्लु बि डि ५९ सि ६७३५ नम्बरको भारतीय ट्रक नियन्त्रणमा लिएको हो ।
प्रहरीले ट्रकको सुरक्षा जाँच गर्दा १२ पोकाको करिब ७९ किलो बराबरको गाँजा फेला पारेको थियो । उक्त गाडीको चालक फरार रहेको र खोजी जारी रहेको जिल्ला प्रहरी कार्यालय मकवानपुरका निमित्त प्रवक्ता रामचन्द्र घिमिरेले जानकारी दिनुभयो ।
