हेटौंडाः हेटौंडा वडा नम्बर ७ मा रहेको समृद्ध युवा बचत कोषद्वारा आज सोमबार बिहान हेटौंडा उपमहानगरपालिका वडा नं ५, ७ र ८ जोड्ने क्याम्पा पुल परिसरमा सरसफाई गरिएको छ । कोषका सदस्यहरुले पुल परिसरमा रहेको झाडी र फोहोर हटाएर सरसफाई गरेका छन् ।
कार्यक्रम कोषका अध्यक्ष दिपेश लामिछानेको नेतृत्वमा भएको थियो । कार्यक्रममा शान्ति टोल विकास संस्थाका अध्यक्ष हरिशरण पुडासैनी, संस्थापक अध्यक्ष किरण लामिछाने, निवर्तमान अध्यक्ष युवराज गौतमलगायत समृद्ध युवा बचत कोषको सदस्यहरुको उपस्थिति रहेको थियो ।
संस्थापक अध्यक्ष लामिछानेका अनुसार क्याम्पा परिसरमा रातको समयमा एकान्त भएर मान्छेले घरायसी प्लास्टिक, बोतल फालेर फोहोर भएको हो । यस क्षेत्रमा बाटो साँघुरो रहेको र रातको समयमा बत्ति नभएकोले दुर्घटना बढेको भन्दै उहाँले चिन्ता व्यक्त गर्नुभयो ।
