हेटौंडाः मकवानपुरमा जिल्लास्तरीय अन्तर विद्यालय टी २० क्रिकेट प्रतियोगिता कार्तिक २४ गते बिहीबारदेखि हुने भएको छ । मकवानपुर क्रिकेट संघको आयोजनामा प्रतियोगिता हुने मकवानपुर क्रिकेट संघका कार्यबाहक सचिव बिनोद बानियाँले जानकारी दिनुभयो ।
मकवानपुर क्रिकेट संघका पूर्वकप्तान स्वर्गीय निरज श्रेष्ठको स्मृतिमा क्रिकेट प्रतियोगिता हुने भएको हो । लिग कम नकआउटका आधारमा खेल खेलाइने बानियाँले बताउनुभयो । प्रतियोगितामा सहभागिताका लागि २२ गतेसम्म जिल्लाभित्रका विद्यालयले टिम दर्ता गर्न सकिने उहाँले जानकारी दिनुभयो ।
प्रतियोगितामा १२ टिमको सहभागिता भने पक्का भइसकेको मकवानपुर क्रिकेट संघका कार्यवाहक सचिव बानियाँले बताउनुभयो । प्रतियोगिताको विजेता र उपविजेता टिमलाई शिल्ड, मेडल र प्रमाणपत्र प्रदान गरिने जनाइएको छ ।
