हेटौंडाः हेटौंडा १० टिसिएन रोड स्थित तरकारी बजारमा आगलागी भएको छ । बिहिबार मिना साहको नास्ता पसलमा अचानक आगोलागी भएर तरकारी बजारमा फैलिएको हो ।
आगलागीबाट ५० लाख बराबरको क्षति भएको जिल्ला प्रहरी कार्यलय मकवानपुरले जनाएको छ । आगोलागिबाट मानवीय क्षति नभएको, नास्ता पसल पुर्ण रुपमा जलि नष्ट भएको, ५ वटा भरिएको ग्यास सिलिण्डर क्षति भएको, नजिकै रहेको ३ वटा तरकारी पसल जलि नस्ट भएको र ४ वटा तरकारी पसलमा सामन्य क्षति भएको प्रहरीले जनाएको छ ।
नेपाल प्रहरी र म्यादी प्रहरी गरी १०० जनाको टोली, दमकल र स्थानियको सहयोगमा दिउसोँ १ बजेर २५ मिनेटमा आगो पुर्ण रुपमा नियन्त्रणमा आएका प्रहरीले जनाएको छ । पूर्ण क्षतीको विवरण आउन बाँकी रहेको छ । विद्युत सर्टका कारण आगालागी भएको हुनसक्ने प्रहरीले जानकारी दिएको छ ।
