हेटौंडाः मकवानपुर प्रहरीले हेटौंडा ११ नवलपुरबाट जुवा खेलिरहेका ३४ जनालाई पक्राउ गरेको छ । गएराती ११ बजेर ३० मिनेटको समयमा प्रहरीले जुवा खेलिरहेका ३४ जनालाई पक्राउ गरेको हो ।
नवलपुर स्थित बैकुण्ठ बलामीको घरमा रहेको ग्यारेजमा जुवा खेलिरहेको छ भन्ने बिशेष सुचनाको आधारमा प्रहरी टोली कमाण्ड खटी जुवा खेलिरहेको स्थानबाट उनीहरुलाई पक्राउ गरिएको प्रहरीले जानकारी दिएको छ । उनीहरुको साथबाट कौडा १३ थान, तास १३ बुक, नगद ७३ हजार बरामत गरी खेल्ने, च्याखे थाप्ने, हेर्ने ३३ जना पुरुष र प्रहरी संग अभद्र ब्यबहार गर्ने १ जना महिला सहित ३४ जना लाई नियन्त्रणमा लिइएको प्रहरीले जनाएको छ ।
