हेटौंडाः महाकवि लक्ष्मीप्रसाद देवकोटाको स्मृतिमा स्थापना गरिएको देवकोटा स्मृति सम्मान निमेष निखिललाई प्रदान गरिएको छ । सोमबार महाकवि लक्ष्मीप्रसाद देवकोटाको ११४ औं जन्मजयन्तीको अवसरमा सम्मान गरिएको हो ।
साहित्य संगम मकवानपुर र युग प्रकाश क्लवको संयुक्त आयोजनामा हेटौंडा–११, नवलपुरस्थित त्रिभुवन मावि परिसरमा महाकवि देवकोटाको जन्मजयन्तीको अवसरमा सम्मान कार्यक्रम गरिएको हो। १० हजार नगदसहित निमेष निखिललाई सम्मान गरिएको हो ।
महाकवि देवकोटाको शतवार्षिकीको अवसरमा हेटौंडा–११ नवलपुरस्थित त्रिभुवन माविमा देवकोटाको प्रतिमा निर्माण गरिएको थियो । युग प्रकाश क्लवका अध्यक्ष दीपक सिवाकोटीको अध्यक्षता तथा साहित्यकार तुल्सी थापाको प्रमुख आतिथ्यतामा कार्यक्रम भएको हो । कार्यक्रममा देवकोटाका कविता वाचन गरिएको थियो ।
