हेटौंडाः लागूपदार्थ तथा मादक पदार्थ सेवन गरी सवारी साधन चलाउने ३ जना चालकलाई प्रहरीले नियन्त्रणमा लिएको छ । बिहीबार जिल्ला प्रहरी कार्यालय मकवानपुर र जिल्ला ट्राफिक प्रहरी कार्यालय मकवानपुरको संयुक्त प्रहरी टोलीले सवारी सुरक्षाजाँच गर्दा ३ जना चालकलाई नियन्त्रणमा लिएको हो ।
प्रहरीले हेटौंडा १ तिरतिरे धारामा हेटौंडा–भिमफेदी–काठमाडौं रुटमा चल्ने साना–ठुला सवारी साधनहरुलाई रोकी चालकहरुको लागुपदार्थ सेवनको जाँच गरेको थियो । प्रहरीले चेकजाँच गर्ने क्रममा ३ जना चालकलाई लागूपदार्थ सेवन पोजेटिभ देखिएकोले नियन्त्रणमा लिई थप अनुसन्धान भईरहेको जिल्ला प्रहरी कार्यालय मकवानपुरले जनाएको छ ।
