हेटौंडाः यात्रुबाहक बसहरुमा रात्रीकालिन सुरक्षाजाँच तथा हतियारसहितको प्रहरी गस्तीमा खटिएको छ । चाडपर्व लक्षित विशेष सुरक्षा योजनाअन्तर्गत् जिल्ला प्रहरी कार्यालय मकवानपुर र जिल्ला ट्राफिक प्रहरी कार्यालय मकवानपुरको संयुक्त प्रहरी टोलीले रात्रीकालिन बसहरुमा हतियारसहित प्रहरी गस्ती सुरु गरेको हो ।
प्रहरीले हेटौंडा १० बसपार्कबाट पूर्व पश्चिम रुटमा चल्ने यात्रुबाहक बसहरुलाई रोकी सुरक्षाजाँच गरिरहेको छ । यस्तै, रातको समयमा हुन सक्ने लुटपाट तथा डकैतलाई मध्ये नजर गरी रात्रीकालिन बसहरुमा चुरियामाई मन्दिरदेखि मनहरीको लोथरसम्म हतियारसहित प्रहरी टोलीले गस्ती गर्ने जिल्ला प्रहरी कार्यालय मकवानपुरले जनाएको छ ।
