हेटौंडाः लामो समयको बर्षायामको बिदापछि हेटौंडाका विद्यालयहरु आइतबारदेखि पुनः संचालनमा आएका छन । साउन १ गतेदेखि बन्द भएका विद्यालयहरु २१ दिनपछि खुलेका हुन् ।
विद्यालय खुला भएसँगै विद्यार्थी नियमित पढ्न व्यस्त भएका छन् । उपमहानगरपालिका भित्रका ४६ वटा संस्थागत र ७६ वटा सामुदायिक विद्यालयहरु आइतबारदेखि खुला भएका हुन् । वर्षायामको बिदालार्ई कटौति गरेर निजी विद्यालयले प्रथम त्रैमासिक परीक्षा सञ्चालन गरी सकेका छन् भने सामुुदायिक विद्यालयले भने प्रथम त्रैमासिक परीक्षा गरेका छैनन् ।
