हेटौंडाः समृद्धि देवको ईन्द्रेणीका रङहरु नामक पुस्तक विमोचन भएको छ । सोमबार एक कार्यक्रमका बीच देवको ईन्द्रेणीका रङहरु कविता सङ्ग्रह विमोचन गरिएको हो ।
हेटौंडा–४ स्थित हेटौंडा स्कूल अफ म्यानेजमेन्टको सभाहलमा कविता सङ्ग्रह विमोचन गरिएको हो । हेटौंडा स्कूल अफ म्यानेजमेन्टका प्राचार्य पुरन बहादुर जोशीको प्रमुख आतिथ्यमा विमोचन कार्यक्रम भएको हो । नवोदय साहित्यक बगैंचा बाल क्लबले प्रकाशन गरेको कविता सङ्ग्रहमा २३ वटा कविता समावेश गरिएको छ । कविता सङ्ग्रहको भाषा सम्पादन सिएम रिमालले गर्नुभएको छ । ईन्द्रेणीका रङहरु कविता सङ्ग्रहमा नारीको वेदना, नेपालको सुन्दरता र नेपालीको अपेक्षाहरु समेटिएका छन् ।
म्यानेजमेन्टका विद्यार्थीहरुलाई प्रेरणा होस् भनेर हेटौंडा स्कूल अफ म्यानेजमेन्टको सभाहलमा विद्यार्थीहरुबीच कविता सङ्ग्रह विमोचन गरिएको हो । कविता संग्रह विमोचन गर्नुहुँदै म्यानेजमेन्टका प्राचार्य पुरन बहादुर जोशीले साहित्य समाजलाई रुपान्तरण गर्ने मञ्च भएको बताउनुभयो । नवोदय शिशु सदनबाट १० कक्षा उत्तीर्ण गरेकी समृद्धि देवले हेटौंडा स्कूल अफ म्यानेजमेटबाट कक्षा १२ उत्तीर्ण गरेकी छिन् ।
