हेटौंडाः रोटरी क्लब अफ हेटौंडाको अध्यक्षमा सुयश राज पराजुली पदस्थापित हुनुभएको छ । शुक्रबार क्लबको ३१ औं पदस्थापन समारोहका बीच पराजुलीले जिम्मेवारी लिनुभएको हो । निवर्तमान अध्यक्ष रामप्रसाद शर्माले पराजुलीलाई जिम्मेवारी हस्तान्तरण गर्नुभएको हो ।
रोटरी इन्टरनेशनल डिष्ट्रिक्ट ३२९२ अन्तर्गत जोन ३३ का एम्बेसडर अफ गभर्नर सुरेश सेन ठकुरीको प्रमुख आतिथ्यमा भएको पदस्थापन कार्यक्रममा रोट्र्याक्ट क्लब अफ हेटौंडाको पनि पदस्थापना भएको छ । रोट्र्याक्ट क्लब अफ हेटौंडाको अध्यक्षमा मिलन ढकाल पदस्थापित हुनुभएको छ । रोटरी क्लबको एक वर्षे कार्यकालका लागि अध्यक्ष सुयश राज पराजुलीले आफ्नो योजना प्रस्तुत गनुभएको थियो । रोटरी क्लबको पदस्थापनको अवसरमा हेडम्बा शीर्षकको वार्षिक पत्रिका समेत विमोचन गरिएको थियो ।
