हेटौंडाः मकवानपुरको बागमती गाउँपालिका वडा नम्बर ७ को वडाध्यक्षमा नेपाली कांग्रेसका उत्तर लामा भोलन विजयी भएका छन् । बुधबार साँझ सार्वजिनक मतपरिणाममा ६ सय २१ मत प्राप्त गरी भोलन वडाध्यक्षमा विजयी भएका हुन् ।
अध्यक्ष पदका अर्का प्रत्यासी नेकपा एमालेका उम्मेदवारले ५ सय ८३ र माओवादीका उम्मेदवारले ५ सय ६५ मत प्राप्त गरे । लामा विजयी भएसँगै बागमतीमा पहिलो पटक नेपाली कांग्रेसले वडाध्यक्ष पद जितेको छ । यसअघि वडा १ देखि ५ सम्म माओवादी केन्द्र र ६ नम्बर वडा एमालेले जितेको थियो । बुधबार रातीदेखि ८ नम्बर वडाको मत गणना सुरु भएको र बिहिबार रातीसम्ममा पालिकाको ९ वटै वडाको मत गणना सम्पन्न गर्ने बागमती गाउँपालिकाको निर्वाचन अधिकृतको कार्यालयले जनाएको छ ।
