हेटौंडाः हेटौंडा–१३, वनस्पतीमा प्रहरी भवनको उद्घाटन भएको छ । बुधबार जिल्ला प्रहरी कार्यालय मकवानपुरका प्रहरी उपरीक्षक सुरेन्द्र बहादुर गुरुङले नवनिर्मित भवनको उद्घाटन गर्नुभएको हो ।
सामुदायिक प्रहरीका अध्यक्ष विश्व आले मगरको सभाध्यक्षतामा उद्घाटन कार्यक्रम भएको हो । शौचालयसहित ३ कोठे भवन निर्माणमा करिब ११ लाख ६१ हजार रुपैयाँ खर्च भएको निर्माण समितिका अध्यक्ष तेजकुमार स्याङ्तानले जानकारी दिनुभएको छ । भवन निर्माणका लागि भौतिक योजना मन्त्रालयको १० लाख बजेट तथा शान्ति विकास संस्थाले १ लाख ७२ हजार रुपैयाँ सहयोग गरेको निर्माण समितिका अध्यक्ष स्याङ्तानले जानकारी दिनुभयो ।
