हेटौंडाः हेटौंडा–४, हुप्रचौरमा जारी एफसी कमलडाँडा प्रथम ८ “ए” साईड खुल्ला फूटबल प्रतियोगिताको फाइनलमा एफसी बसामाडी प्रवेश गरेको छ । बुधबार भएको पहिलो सेमिफाइनल खेलमा प्रगतिशील युवा क्लबलाई २–० गोलअन्तरले हराउँदै बसामाडी फाइनलमा प्रवेश गरेको हो ।
बसामाडीले बिहिबारको फाइनल खेलमा जनप्रवाह युवा क्लब र प्रगतिशील युवा क्लब बीचको विजेतासग खेल्नेछ । जनप्रवाह र प्रगतिशीलमा अहिले भिड्दैछन् । प्रतियोगिताको विजेताले नगद ३० हजार रुपैयाँसहित शिल्ड, मेडल र प्रमाणपत्र प्राप्त गर्नेछन् भने उपविजेता टिमले नगद १५ हजार रुपैयाँ प्राप्त गर्ने जनाइएको छ ।
