हेटौंडाः पुर्व–पश्चिम राजमार्ग अन्तर्गत हेटौडा–३ लेवटमा बोलेरो जिप र टिपर एकआपसमा ठोक्किएर दुर्घटना हुँदा एकजनाको मृत्यु भएको छ । मृत्यु हुनेमा मे १ च ५९९४ नम्बरको बोलेरो चालक काठमाडौँको बालाजु नयाँबजार बस्ने अन्दाजी ४५ वर्षीय शिव कार्की रहेको जिल्ला प्रहरी कार्यालय मकवानपुरले जनाइएको छ ।
सोमबार राति मनहरीबाट हेटौंडा बजारतर्फ जाँदै गरेको बोलेरो र विपरित दिशाबाट आउँदै गरेको को १ क १३२८ नम्बरको टिपर ठोक्किएको थियो । दुर्घटनामा परी बालेरो बोलेरोमा सवार करिब ५० वर्षीय दिनेश कार्की घाइते भएका छन् । कार्कीको हेटौंडा–११ स्थित चुरेहिल अस्पतालमा उपचार भइरहेको छ । मृतक अर्का शिव कार्कीको शव हेटौंडा अस्पतालमा राखिएको जिल्ला प्रहरी कार्यालय मकवानपुरका प्रहरी निरीक्षक देवेन्द्र दासले जानकारी दिनुभयो । दुर्घटना लगत्तै फरार रहेका टिपर चालक भने अहिले प्रहरीको सम्पर्कमा आएको उहाँले बताउनुभयो ।
