हेटौंडाः मकवानपुरको प्रहरी प्रमुखमा प्रहरी उपरीक्षक सुरेन्द्र बहादुर गुरुङ आउनुहुने भएको छ । प्रहरी प्रधान कार्यालयले मकवानपुरका प्रहरी प्रमुख प्रहरी उपरीक्षक (एसपी) सोमेन्द्र सिंह राठौरलाई प्रहरी प्रधान कार्यालय युएन जगेडामा सरुवा गरेको छ ।
मकवानपुरका प्रहरी प्रमुख राठौरसहित २२ जना प्रहरी उपरीक्षकलाई शनिबार सरुवा गरिएको छ । प्रहरी प्रधान कार्यालय कार्य विभाग सुरक्षा व्यवस्थापन महाशाखामा कार्यरत गुरुङलाई मकवानपुर प्रहरी प्रमुखको जिम्मेवारी दिइएको हो ।
