हेटौंडाः रक्तसञ्चार केन्द्र हेटौंडामा रगत अभाव भएपछि युवा संघ नेपालले रक्तदान कार्यक्रमको आयोजना गरेको छ । युवा संघ नेपाल हेटौंडा उपमहानगर १२ र १३ नम्बर वडा कमिटीले आज बिहान हेटौंडा–१३ पदमपोखरीमा रक्तदान कार्यक्रमको आयोजना गरेको हो । कार्यक्रममा ६४ जनाले रक्तदान गरेका छन् ।
युवा संघ नेपाल हेटौंडा उपमहानगर १२ नम्बर वडा कमिटी अध्यक्ष महेश भट्टराई र १३ नम्बर वडा अध्यक्ष सिन्धु लामा थोकरको संयुक्त अध्यक्षतामा भएको कार्यक्रममा हेटौंडा उपमहानगरपालिकाका मेयर हरिबहादुर महतको प्रमुख आतिथ्य रहेको थियो । कार्यक्रममा युवा संघ नेपालका केन्द्रीय सदस्य नरेन्द्र भण्डारी र युवा संघ नेपाल हेटौंडा उपमहानगर कमिटीका अध्यक्ष राजेश नगरकोटी, रक्तसञ्चार केन्द्र हेटौंडाका प्रमुख टंकप्रसाद दाहालको पनि आतिथ्य रहेको थियो ।
