हेटौंडाः मकवानपुर प्रहरीले १२२ किलो लागुऔषध गाँजा सहित १ जनालाई पक्राउ गरेको छ ।
आज बुधबार बिहान मनहरी गाउँपालिका वडा नम्बर ९ जयसिंह स्थित पुर्व पश्चिम लोकमार्ग सडकखण्डको किनारमा शंकास्पद रुपमा बसिरहेका राक्सिराङ–२ बस्ने बर्ष ४२ को नर बहादुर मुक्तानलाई प्रहरीले गाँजासहित पक्राउ गरेको हो ।
शंकास्पद सामानको सुरक्षा गरिरहेको बुझेसँगै उनलाई प्रहरीले नियन्त्रणमा लिएको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले जानकारी दिनुभयो । गाँजासहित मुक्तानलाई पक्राउ गरेर प्रहरीले थप अनुसन्धान गरिरहेको उहाँले बताउनुभयो ।
