हेटौंडाः प्रेस सेन्टर मकवानपुरकोे बागमती गाउँपालिकाका अध्यक्षमा विवेक सिंतानलाई चयन गरिएको छ । बुधबार बागमती गाउँपालिकाका कार्यालयमा भएको भेलाले सिंतानलाई अध्यक्षमा चयन गरेको हो ।
भेलाबाट सिंतानको अध्यक्षतामा ८ सदस्यीय पालिका कमिटी गठन गरिएको छ । भेलाले उपाध्यक्षमा निर्मल तिमल्सिना, सचिवमा सुरेश पाख्रिन र कोेषाध्यक्षमा शर्मिला श्रेष्ठलाई चयन गरेको छ ।
प्रेस सेन्टर निर्वाचन क्षेत्र नम्बर १ को (क) का अध्यक्ष रुपा गुरुङको अध्यक्षतामा भएको कार्यक्रममा बागमती प्रदेश सभा सदस्य एवम नेकपा माओवादी केन्द्रका अध्यक्ष प्रेम बहादुर पुलामीको प्रमुख आथित्यता रहेको थियो । कार्यक्रममा बागमती गाउँपालिका अध्यक्ष सर्केश घलान, नेकपा माओवादी केन्द्र बागमती गाउँपालिकाका अध्यक्ष अरुण बल लगायतकोे उपस्थिति रहको थियो ।
