हेटौंडाः त्रिभूवन राजपथअन्तर्गत हेटौंडा–भैंसे सडकखण्डको सानुटारमा ट्रक दुर्घटना भएको छ । इटहरीबाट विजुलीको तार लिएर नौविसेतर्फ जाँदै गरेको प्र. १–००२ ख ८७५९ नम्बरको ट्रक शुक्रबार बिहान करिब ५ बजेको समयमा दुर्घटना हुँदा ट्रकमा सवार एकजनाको मृत्यु भएको प्रहरी चौकी भैंसेले जानकारी दिएको छ ।
दुर्घटनामा परी घाइते भएका चालक र सहचालकलाई उपचारका लागि हेटौंडा अस्पताल पठाइएको प्रहरी चौकी भैंसेका प्रहरी सहायक निरीक्षक सुरेन्द्र साहले जानकारी दिनुभएको छ । दुर्घटनामा परी मृत्यु हुने करिब ३० बर्षका पुरुषको सनाखत हुन सकेको छैन ।
