हेटौंडाः मदन भण्डारी स्वास्थ्य विज्ञान प्रतिष्ठानका दुई महिला चिकित्सकमाथि अभद्र व्यवहार आरोपमा प्रतिष्ठान सदस्य हिरा वाइबालाई प्रहरीले पक्राउ गरेको छ । हेटौंडा अस्पताल सञ्चालक समिति सदस्य रहेका वाइबालाई शुक्रबार जिल्ला प्रहरी कार्यालय मकवानपुरले पक्राउ गरेको हो ।
जिल्ला प्रहरी कार्यालय मकवानपुरका प्रहरी उपरीक्षक सोमेन्द्रसिंह राठारले वाइबालाई पक्राउ गरिएको पुष्टि गर्नुभयो । अभद्र व्यवहार मुद्दामा वाइबालाई पक्राउ गरिएको उहाँले बताउनुभयो । साउन १६ गते वनभोज गएका बेला वाइबाले दुई जना चिकित्सकमाथि मादक पदार्थ सेवन गरेर यौन दुर्व्यवहार गरेको आरोप लागेको थियो ।
