हेटौंडाः नेपाल विद्युत प्राधिकरणको ३६ औ वार्षिक उत्सवको अवसरमा शुक्रबार हेटौंडामा रक्तदान भएको छ । रक्तदान कार्यक्रममा ४५ जना कर्मचारीले रक्तदान गरेको छन् ।
बागमती प्रदेश डिभिजन कार्यालय हेटौडाको आयोजनामा आयोजित कार्यक्रममा डिभिजन कार्यलयका डिभिजन प्रमुख शशि भूषण साह, हेटौंडा वितरण केन्द्रका प्रमुख योगेन्द्र ठाकुर, हेटौडा ग्रिड महाशाखाका लेखा प्रमुख हरि कृष्ण शाह लगायकाको उपस्थिति थियो रहेको थियो ।
यसैगरी भोलि शनिवार हेटौडा वितरण केन्द्र र डिभिजन कार्यालयका कर्मचारी विच मैत्रीपुर्ण फुटवल प्रतियोगिताको आयोजना हुने भएको छ । नेपाल विद्युत प्राधिकरणले हरेक बर्षको भदौ १ गते बार्षिक उत्सवको अवसरमा विभिन्न अतिरिक्त क्रियाकलापहरु आयोजना गर्दै आएको छ ।
